Lavur dad autobiografia

Adina puspè accumpogn jau gruppas pitschnas da quatter enfin tschintg persunas sin il "viadi" tras lur biografia. Il program da viadi è repartì en nov etappas. Abstrahà da questa structura clera datti blera libertad persunala co dar furma e cuntegn a questa lavur. Entaifer ca. nov mais èn programmadas diesch scuntradas per preleger, tadlar, discutar e survegnir impuls.

Per la lavur dad autobiografia n'hai jau betg datas fixas. As annunziai tar mai sche Vus avais l'impressiun che quai pudess esser per Vus ina interessanta experientscha. Jau prend lura gugent Vus sin mia glista da las persunas interessadas. Mintgatant vai svelt, mintgatant dovri in pau temp enfin ch'i dat puspè ina nova gruppa.

Qua chattais Vus anc dapli infurmaziuns latiers.

Lecziuns da Feldenkrais en gruppa a Ruschein

Sche la situaziun en connex cun covid 19 lubescha d'atun, offereschel jeu bugen puspei lecziuns en gruppa .
Planisau hai jeu da far naven digl october in proxim bloc da 6 lecziuns da Feldenkrais a Ruschein.

Ils datums probabels:
06.10. / 13.10. / 20.10.2021 e
10.11. / 17.11. / 24.11.2021.

6 x mintgamai la mesjamna dallas 20.00 allas 21.00 uras
sin la tribuna dalla Halla Crestas a Ruschein

grondezia dalla gruppa: ca. 8 persunas
prezi per persuna: CHF 120 per 6 lecziuns

Sin damonda eis ei pusseivel da vegnir ad ina lecziun d'emprova gratuita.

Feldenkrais sin mesira

Ei dat adina puspei glieud, ch’ha magari bloccadas la damaun ni x-zanua zatgei che fa mal, e che vul saver dapli dalla metoda da Feldenkrais - senza vuler ir a far Feldenkrais en ina gruppa. A quellas persunas offereschel jeu sur onn „Feldenkrais sin mesira“. En ina ni pliras uras privatas muossel jeu a quellas persunas moviments che san far bein e che quellas persunas san far regularmein sulettas per ellas a casa. Contactei mei sche Vus giavischeis detagls e dapli Informaziuns.