Feldenkrais

Feldenkrais è emprender tras il moviment. En las lecziuns da Feldenkrais vegnan moviments prendids sut la marella da la percepziun, era moviments fitg pitschens dal mintgadi sco p.ex. dar dal chau ubain volver in maun. Impurtant è ch'ils moviments vegnian fatgs cun levezza, attenziun e quità.

Moshé Feldenkrais (1904-1984), il fundatur da questa metoda, n'aveva betg en mira sulettamain la movibladad dal corp, mabain era la movibladad dal spiert – e cunzunt l'esser conscient.

Sco scolasta da Feldenkrais dun jau sin giavisch lecziuns en gruppa, numnadas „Feldenkrais – Bewusstheit durch Bewegung“. En questas lecziuns inditgesch jau cun pleds tge moviments ch'èn da far. Mintga persuna fa lura quai en ses ritmus e tenor sias pussaivladads.

Jau offresch era "Feldenkrais sin mesira".

La finamira:
Damain bloccadas, dapli bainesser e dapli segirtad e plaschair da viver.

Mia scolaziun:
Da 1997 enfin 2001 hai jau frequentà il Feldenkrais Professional Training en la Toscana tar Ruthy Alon e fatg il Certificate IFF International Feldenkrais Federation.

www.feldenkrais.ch