Wertimagination

„Wertimaginationen“, imaginaziuns e visualisaziuns, èn sco viadis u spassegiadas conscientas vers l’intern, tar l'agen subconscient. L'inconscient è in univers en nus sezs, in arcun gigantic, ina ritgezza senza fin. Quai è il mund da la vusch interna, dals presentiments, da l’intuiziun, da las regurdientschas e da las emoziuns.

La lingua da quest mund plain misteris èn maletgs e figuras, forsa in zichel cumparegliabel cun maletgs e figuras en noss siemis. I dat bleras modas e metodas da lavurar cun imaginaziun. L’idea da la Wertimagination tenor Uwe Böschemeyer (*1939) è da vegnir en contact cun quests maletgs e cunzunt cun las emoziuns colliadas cun quests maletgs. Uschia daventan talas imaginaziuns viadis fascinants d’exploraziun.

Jau accumpogn carstgauns sin quests viadis interns per ch’els survegnian impuls ed ideas concretas - per dar dumogn a las pli differentas situaziuns da la vita, ubain per spir plaschair da scuvrir, tge che sa chatta tut en nus.

La finamira:
Dapli clerezza e curaschi, dapli libertad e fidanza.

Mia scolaziun:
Da 2007 enfin 2009 hai jau fatg la scolaziun cun certificat en "Wertimagination nach Uwe Böschemeyer" en l'ILE (Institut für Logotherapie und Existenzanalyse) a Cuira tar dr. med. Clemens Brandt.