Mo intelligenza na basta betg

I dovra era la madirezza umana

 

Sche nus schain dad ina dunna ubain dad in um: „el è intelligent, ella è intelligenta“, lura tuna quai sco ina distincziun, in predicat da qualitad. Nagut pia cunter l’intelligenza – era sch’i fiss da specifitgar tge intelligenza ch’è propi manegiada. I dat numnadamain diversas. Tut tenor metoda e concept vegn differenzià e punctuà ch’i dettia enfin nov intelligenzas umanas – da las uschenumnadas intelligenzas artifizialas da roboters futuristics gnanca da discurrer.

Ma tge è intelligenza umana vairamain? Quai è il tema central da quest curs dad in di. Da cuminanza vulain nus tschertgar respostas concretas sin dumondas sco
- tge è tipic per ina persunalitad madira
- co sa manifestescha madirezza umana en il mintgadi
- tge capita sche „malmadirs“ han il grond pled el chapitel
- tge sa mintgin sez contribuir a ses madirar persunal?

Public en mira:
Persunas ch’han plaschair e mirveglias per in barat avert e ch’èn motivadas ed interessadas da percepir il mund cun egls alerts e che giaudan dad analisar mintgatant a moda critica – cun umor – l’agen far e patratgar.